सांसद सुरेन्द्र यादवद्धारा राष्ट्रिय मानवअधिकार आयोगमा उजुरी

खोज पत्रिका बिहिबार, २०७७ बैशाख १८, २१ :४६ बजे

काठमाडौं १८ बैशाख । जनता समाजवादी पार्टीका सांसद अपहरण प्रकरणमा राष्ट्रिय मानवअधिकार आयोगमा उजुरी परेको छ । जनता समाजवादी पार्टीका सांसद डाक्टर सुरेन्द्र यादवले सत्तारूढ नेकपाका सांसदद्वय महेश बस्नेत, किसन श्रेष्ठ र पूर्वप्रहरी महानिररिक्षक सर्वेन्द्र खनालविरूद्ध मानव अधिकार आयोगमा उजुरी दिएका हुन् । सांसद यादवले किटानी सहित नीजहरुले आफूलाई महोत्तरीबाट अपहरण गरी काठमाडौं ल्याएको भन्दै मानव उजुरी दिएका हुन् । सांसद यादवले उजुरीमा आफनो जीवनरक्षा र घटनाको निष्पक्ष छानबिन गर्न समेत आयोगसँग माग गरेका छन् । सांसद यादवलाई बस्नेत, श्रेष्ठ र खनालले वैशाख १० मा महोत्तरीबाट काठमाडौं ल्याएका थिए । यादवले आफूलाई अपहरणको शैलीमा काठमाडौंमा ल्याएको बताउँदै आएका छन् । यसअघि उनको उजुरी जिल्ला सरकारी कार्यालय काठमाडौं र काठमाडौं प्रहरीले लिन अस्वीकार गरेको थियो ।

क्याटेगोरी : राजनीति, समाचार
ट्याग : #सांसद अपहरण