लिपुलेक,कालापानी समस्या नेपाल भारतको बिषय होः चीन

खोज पत्रिका मङ्लबार, २०७७ जेष्ठ ६, २१ :०४ बजे

काठमाडौं ६ जेठ । लिपुलेक,कालापानीका बिषयमा नेपाल र भारतका बीचमा बिबाद चर्किरहेका बेला चीनले समेत मुख खोलेको छ । कालापानी सीमा विवाद नेपाल र भारतको सरोकारको विषय भएको चीनले बताएको हो । चीनले दुई छिमेकीले एकपक्षीय कदम बन्द गरेर मैत्रिपूर्ण संवादमार्फत आफ्नो विवाद हल गर्ने आशा पनि व्यक्त गरेको छ ।

नेपाल–भारत सीमा विवादबारे भारतीय सेनाका प्रमुख जनरल एमएम नरमानेले दिएको अभिव्यक्तबारे मंगलबार सोधिएको प्रश्नमा चिनियाँ विदेशमन्त्री झाओ लिजियानले यस्तो जवाफ दिएका हुन् । यसअघि नरभानेले नेपालले अरु कसैको उक्साहटमा आएर भारतले लिपुलेकमा गरेको सडक उद्घाटनको विरोध गरेको विवादास्पद अभिव्यक्त दिदै आएका छन् । यसअघि नेपाली भूमी हुँदै चीनसँग जोडिनेगरी भारतले निर्माण गरेको ८० किलोमिटर लामो सडकको उद्घाटन भारतीय रक्षामन्त्री राजनाथ सिंह गरेका थिए । नेपालले यस विषयमा कडा आपत्ति जनाएको छ । भर्खरै, सरकारले लिम्पियाधुरा, लिपुलेक र कालापानीलाई समावेश गरेर नयाँ नक्सा जारी गर्ने निर्णय समेत गरेको छ ।

क्याटेगोरी : देश/दुनियाँ, ब्रेकिंग न्युज, राजनीति, समाचार
ट्याग : #चीन