जीप दुर्घटना हुँदा गुल्मीमा पूर्वसांसदसहित दुईको मृत्यु

खोज पत्रिका बिहिबार, २०७५ चैत्र २८, ०६ :१० बजे

गुल्मी २८ चैत । गुल्मीमा जीप दुर्घटना हुँदा पूर्वसांसदसहित दुई जनाको मृत्यु भएको छ। जिल्लाको मालिका गाउँपालिकाबाट बुटवलका लागि छुटेको लु १ ज १९५७ नम्बरको जीप मुसिकोट नगरपालिका–१ पौदीअमराईमा दुर्घटनामा परेको हो। दुर्घटनामा परी पूर्वसांसद रूद्रमणि भण्डारी र अर्का यात्रु रोशन बिकको घटनास्थलमै मृत्यु भएको छ। भण्डारी २०४८ सालमा गुल्मी–३ मा नेपाली कांग्रेसबाट सांसद निर्वाचित भएका थिए। जीप सडकबाट १ सय मिटरभन्दा तल खसेको थियो। दुर्घटनामा अन्य ८ यात्रु घाइते भएका छन।

क्याटेगोरी : देश/दुनियाँ, प्रमुख समाचार, ब्रेकिंग न्युज
ट्याग : #durghatana