भारतको चन्द्रयान ३ चन्द्रमाको सतहमा सफल अवतरण

खोज पत्रिका बुधबार, २०८० भदौ ६, २२ :३३ बजे

काठमाडौं । भारतले चन्द्रयान ३ चन्द्रमाको सतहमा अवतरण गरेर इतिहास रचेको छ। यससँगै भारत चन्द्रमाको दक्षिणी ध्रुवमा सफलतापूर्वक अवतरण गर्ने पहिलो देशसमेत बनेको हो।

श्रीहरिकोटाबाट जुलाई १४ मा दिउँसो २ः ३५ मा उडेको चन्द्रयान–३ ले ४० दिन लामो यात्रा पूरा गरेर सफलतापूर्वक अवतरण गरेको हो।
बुधबार साँझ ६ बजेर ४ मिनेट जाँदा १२३४ जीएमटी मा चन्द्रमाको सतहमा अवतरण गरेको थियो।

पूर्वी शोभियत संघ, संयुक्त राज्य अमेरिका र चीनपछि भारत चन्द्रमामा अन्तरिक्ष यान अवतरण गर्ने विश्वको चौथो देश बनेको छ। अन्तरिक्ष यानमा चन्द्रमामा विक्रम ल्याण्डर र प्रज्ञान रोभर थिए।

क्याटेगोरी : प्रमुख समाचार, विदेश, समाचार