राष्ट्रिय सहकारी बैंकद्वारा नेपाल लेखामान तालिम सञ्चालन

खोज पत्रिका शनिबार, २०८० बैशाख १६, १९ :३८ बजे

काठमाडौं । नेपालको सहकारी क्षेत्रमा पहिलो पटक राष्ट्रिय सहकारी बैंक लिमिटेडको आयोजनामा तीन दिवसीय नेपाल लेखामान तालिम शनिवारबाट काठमाडौँमा सुरु भएको छ ।

सहकारी संस्थाहरुको लेखा व्यवस्थापनमा एकरूपता कायम गरी स्तरीय लेखा व्यवस्थापन मार्फत कानुनी परिपालनामा सहयोग पु¥याउने उद्देश्यका साथ तालिमको आयोजना गरिएको बैंकले जनाएको छ ।

तालिममा चार्टड एकाउन्टेनहरु (सिए) राजकुमार फुयाँल र सुदिप घिमिरेले सहजीकरण गरिरहनु भएको छ । तालिममा लेखामानका ४१ शीर्षकहरूमा छलफल हुँदैछ ।

सोमबार सम्म सञ्चालन हुने तालिममा देशभरका विभिन्न ४१ सहकारी संस्थाहरूबाट प्रमुख कार्यकारी अधिकृत, व्यवस्थापक, लेखा अधिकृत सहित संस्थामा लेखा हेर्ने ४५ जना कर्मचारीहरूले सहभागिता जनाएका छन् ।

क्याटेगोरी : अर्थ, प्रमुख समाचार, समाचार