प्रकाश सपूतको चर्चित गीत सकम्बरीले युटुवमा पायो करोड भ्यूज

खोज पत्रिका बिहिबार, २०८० बैशाख ७, २२ :५० बजे

काठमाडौं । गायक प्रकाश सपूतको चर्चित गीत सकम्बरीले युटुवमा करोड भ्यूज कमाएको छ । युट्यूबमा रिलिज भएको सातौं दिनमै गीतले एक करोड भ्यूज बटुलेर चर्चा कमाएको छ । यो समाचार पार्दा सम्म युटुवमा १ करोड १ लाख ४० हजार कटाएको छ ।

सर्वाधिक छिटो करोड भ्यूजको कीर्तिमान सपूतकै नाममा थियो । यसअघि उनको गीत ‘पीर’ ले पनि सात दिनमा करोड भ्यूज कटाएकोमा ‘सकम्बरी’ पनि त्यसको बराबरी गएको छ । ‘पीर’ गीतको भिडिओ विवादमा आएपछि सपुतले त्यसलाई युट्यूटबाट हटाएर सम्पादनसहित अर्को भिडिओ हालेका थिए ।

अर्को भिडिओमा भने करोड भ्यूज पुग्न सकेको छैन । सकम्बरी गीत युट्यूबमा रिलिज गरेको २४ घन्टाभित्रै नेपालको ट्रेन्डिङ नम्बर १ मा आएको थियो । यो गीत अहिले पनि १ नम्बर मै छ । टिकटकमा भने सकम्बरीको एकछत्र राज गरिरहेको छ ।