रुकुमपश्चिम–जाजरकोट जोड्ने बेलिब्रिज पुल भाँचियो, ४ जनाको मृत्यु ४ घाइते

खोज पत्रिका बिहिबार, २०८० बैशाख ७, १४ :४८ बजे

रुकुमपश्चिम । जाजरकोट र रुकुम पश्चिमको आठविसकोट नगरपालिका गोतामकोट जोड्ने भेरी नदीको बेलिब्रिज भाँचिएको छ । मान्छेहरु हिँडिरहेकै अवस्थामा उक्त बेलिब्रिज भाँचिएपछि ४ जनाको मृत्यृ भएको छ भने ४ जना घाइते भएका छन् ।

उक्त बेलिब्रिज भेरी करिडोर अन्तर्गत जाजरकोट नलगाड नगरपालिका–१२ तल्लुबजार रुकुम पश्चिमको आठबिसकोटमा पर्दछ । अहिले प्रहरीको टोली घटनास्थलमा पुगेको छ ।

घाइतेहरूको पहिचान खुल्न सकिरहेको छैन । घाइते बोल्न सक्ने अवस्थामा नरहेको र केही भारतीय कामदारहरू समेत रहेको बताइएको छ ।

घटनामा अन्य चार जना गम्भिर घाइते भई उपचारका लागि राडी स्थित स्वास्थ्य संस्थामा पठाएको बताइएको छ । थप उपचारका लागि हेलिकप्टरबाट उद्धार गरिने बताइएको छ ।