सरकारले अनुदान दिने घोषणा गरेपछि कश्मीरमा सोलारको माग बढ्दो

काठमाडौं । जम्मू र कश्मीर प्रशासनले आवासीय भवनहरूको छतमा सोलार प्यानलहरू स्थापना गर्न २५ प्रतिशत अनुदान दिने घोषणा गरेपछि, कश्मीर उपत्यकामा सोलार प्यानलहरूको माग बढेको छ। यसरी माग बृद्धि हुँदा विद्युतको खपतमा कमि आउनु हो ।

कश्मीर पावर डिस्ट्रिब्युसन कर्पोरेशन लिमिटेड ले जम्मु र कश्मिरउपत्यकामा कुल १,७०० मेगावाट बिजुली आपूर्ति गरिरहेको छ। सरकारले सबै जिल्लाका आवासीय भवनमा सोलार प्यानल जडान गर्न आयोजना लागतको २५ प्रतिशत अनुदान दिने निर्णय गरेपछि स्थानीयले घरको छतमा सोलार प्यानल जडान गरिरहेको भारतीय समाचार संस्था आईएएनएसले समाचारमा उल्लेख गरेको छ ।

यो आयोजना नोभेम्बर २०२३ को अन्त्यसम्ममा सम्पन्न गर्ने भनिए पनि सुरु हुनेबित्तिकै जनताले त्यसतर्फ झुकाव देखाएका छन् । श्रीनगरमा सोलार प्यानल बेच्ने एक व्यवसायीले आफ्नो व्यवसाय विगत दुई वर्षदेखि घाटामा चलिरहेको तर प्रशासनले सोलार प्यानल जडान गर्न अनुदान दिने घोषणा गरेपछि सुधार भएको बताए । उनले सोलार प्यानलको माग ४० प्रतिशतले बढेको बताए ।

अहिले कश्मिरमा विभिन्न कम्पनीले सोलार प्यानल विक्री गरिरहेका छन् । जम्मू र कश्मीर ऊर्जा विकास एजेन्सीका अनुसार केन्द्र शासित प्रदेशमा सौर्य ऊर्जालाई प्रवर्द्धन गर्न धेरै कार्यक्रमहरू सञ्चालन गरिएको बताइएको छ । उनले अनुदानसँगै सौर्य ऊर्जामा आधारित उपकरण प्रयोग गर्न जनतालाई प्रोत्साहित गर्ने बताए ।

थप समाचार

पार्टी नेतृत्व र वैधानिकतामाथि भ्रम फैलाउने षड्यन्त्रको सशक्त प्रतिवाद गर्छौँः…

२३ वर्षे अन्तर्राष्ट्रिय यात्रामा पूर्णविराम लगाउँदै रोनाल्डो

भारतीय विदेश सचिव मिस्री र प्रधानमन्त्री शाहबीच भेटवार्ता, के के…

रविले भने आइजीपी परिवर्तनको औचित्य सरकारले पुष्टी गर्ला

सरकार र प्रमुख प्रतिपक्षबीच टकराव चुलियो, गगनले दिए सरकारलाई चुनौती

किन बढ्यो प्रधानमन्त्री बालेन र कांग्रेस सभापति गगनबीच टकराव ?