राष्ट्रिय सहकारी बैंकको रणनीतिक कार्यदिशामा छलफल

ललितपुर । राष्ट्रिय सहकारी बैंक लिमिटेडको रणनीतिक कार्यदिशा सम्बन्धी छलफल तथा अन्तरक्रिया भएको छ । काभ्रेपलाञ्चोकको धुलिखेलमा मङ्गलवारबाट सुरु भएको कार्यक्रममा बैंकका अध्यक्ष के.बी. उप्रेतीले बैकले लिएको १० वर्षे रणनीतिक योजनाका विभिन्न रणनीतिक स्तम्भहरू र ध्येयहरूको चर्चा गर्दै उद्देश्यमा केन्द्रित भई लक्ष्य हासिल गर्नुपर्ने बताए ।

गत आर्थिक वर्षमा “उत्कृष्ट वित्तीय सेवा सहितको सहकारी बैंक” परिकल्पना लिई अघि बढेको भन्दै बैंकलाई सबल, सक्षम र प्रभावकारी बनाई सदस्यलाई दिने सेवामा कुनै कमी हुन नदिने कुरामा जोड दिए । अध्यक्ष उप्रेतीले संघहरुको प्रर्बद्धनको लागि रणनीति योजना तयार गरी एनसिविएल लघुवित्तको मोडल तयार गर्नुपर्ने कुरामा जोड दिए ।

बैंकका प्रमुख कार्यकारी अधिकृत बद्रीकुमार गुरागाईले बैंकको रणनीतिक योजनाको खाकाको विषयमा जानकारी गराउनुहुँदै बैंकको योजनाको पृष्ठभूमिको बारेमा चर्चा गरेका थिए । कार्यक्रममा बैंकले आर्थिक वर्ष २०७९/०८० देखि २०८८/०८९ सम्मको लागि तय भई लागु भएको १० वर्षे रणनीतिक योजनामा छलफल र अन्तरक्रिया गर्दै आगामी ४ वर्षे व्यावसायिक योजना बनाउने छ ।

बैंकले गत आर्थिक वर्ष देखि सदस्यहरुको दीगो बिकासका लागि नवीनतम प्रविधिसहित प्रतिस्पर्धी एवम् गुणस्तरीय वित्तीय सेवा प्रवाह गर्ने, नेतृत्व एवम् व्यावसायिक जनशक्ति बिकास र परिचालन गरी जिम्मेवार व्यवसाय सञ्चालन मार्फत बैंक र सदस्यहरुमा संस्थागत सुशासन कायम गर्ने गराउने र सहकारी क्षेत्रको व्यावसायिकता बिकासका लागी सम्बन्धित सरोकारवालाहरुसंगको समन्वयमा निरन्तर बहस पैरवी गर्ने ध्येय तय गरेको छ । बैंकका सञ्चालक समिति, लेखा सुपरिवेक्षण समिति र उच्च व्यवस्थापनका कर्मचारीहरूको सहभागितामा रहेको कार्यक्रम बुधवार सम्पन्न हुनेछ ।

थप समाचार

शेख हसिनाको पार्टी बंगलादेशमा आतंककारी घोषित

जम्मु काश्मीरमा कति छन् नेपालीः दूतावाससँग तथ्यांक नै छैन

नीति तथा कार्यक्रम आज पारित हुने, संसदमा प्रधानमन्त्रीले जवाफ दिने

कांग्रेसमा उठ्यो राज्यमन्त्री कान्छारामलाई हटाइएको विषय

लण्डनको थेम्स नदीमा भेटिएको शव नेपाली विद्यार्थी ओलीकै भएको पुष्टि

सभापतिमाथि लगाएको मुद्दामा दम छैन, सरकारको प्रतिशोध मात्रै होः सोबिता…