प्रशान्त महासागरको पोलिनेसियन मुलुक टोंगा टापुमा शक्तिशाली ज्वालामुखी विस्फोट

खोज पत्रिका आइतवार, २०७८ माघ २, १३ :१८ बजे

काठमाडौं । दक्षिणी प्रशान्त महासागरको पोलिनेसियन मुलुक टोंगा टापुमा शक्तिशाली ज्वालामुखी विस्फोट भएको छ। ज्वालामुखी विस्फोट भएसँगै समुद्रमा सुनामी समेत आएको छ।

विस्फोटको आवाज ८ सय किलोमिटरको दूरीमा पर्ने छिमेकी फिजीमा पनि सुनिएको अन्तर्राष्ट्रिय सञ्चार माध्यमले जनाएका छन्। विस्फोटपछि फिजी र न्युजिल्याण्डमा पनि सुनामीको खतरा रहेको भन्दै सुरक्षित रहन सचेत गराइएको छ।

विस्फोटको २० मिनेटपछि नै टोंगामा सुनामी आएको थियो। घटनापछि टोंगा सरकारले देशबासीलाई सुरक्षित स्थानतर्फ भागेर जान भन्दै सूचना जारी गरेको छ। घटनापछि टोंगामाहवाई सेवाबन्द गरिएको छ। आकाशमा धुवाँ आउनासाथ हवाई सेवा बन्द गरिएको थियो।

क्याटेगोरी : विदेश, समाचार
ट्याग : #प्रशान्त महासागर