मलेसियामा बाढीका कारण १४ जनाको मृत्यु,७० हजार भन्दा धेरै विस्थापित

खोज पत्रिका बुधबार, २०७८ पुस ७, ०६ :५८ बजे

काठमाडौं । मलेसियामा बाढीका कारण कम्तीमा १४ जनाको मृत्यु भएको छ । केही दिनदेखि निरन्तर वर्षाका कारण आएको बाढीले ठूलो जनधनको क्षति गरेको हो । बाढीका कारण ७० हजारभन्दा धेरै नागरिक विस्थापित भएका छन् ।

बाढीबाट मलेसियाको पूर्वी तटीय प्रान्त पाहाङ सबैभन्दा बढी प्रभावित भएको छ । त्यसबाहेक अरु सात वटा प्रान्त बाढीबाट बढी प्रभावित भएका समाचार संस्था एएफपीले जनाएको छ ।

उद्धारकर्ता तथा सरकारी निकायले विस्थापितलाई राहत तथा पुनर्स्थापनका लागि सहयोग वितरण भइरहेको छ । बाढीका कारण सडक, विद्युत, सञ्चारलगायतका अत्यावश्यक सेवा समेत प्रभावित भएका छन् ।

क्याटेगोरी : विदेश, समाचार
ट्याग : #मलेसियामा बाढी