Techie IT
  • १४ साउन २०७८, बिहीबार
KhojPatrika

पछिल्लो २४ घण्टामा २,४४५ जनामा कोरोना संक्रमण, ३२ को मृत्यु


काठमाडौं । पछिल्लो २४ घण्टामा नेपालमा थप २ हजार ४ सय ४५ जनामा कोरोनाभाइरस संक्रमण पुष्टि भएको छ । सोही अवधिमा ३२ जनाले ज्यान गुमाएका छन् । यस्तै पछिल्लो २४ घण्टामा १ हजार २ सय ५८ जना कोरोना संक्रमणमुक्त भएका छन् । यससँगै देशभर कोरोना संक्रमितको कुल संख्या पीसीआर विधिबाट ६ लाख ६८ हजार ७ सय ५१ जना पुगेको छ भने एन्टिजेन विधिबाट ४९ हजार ७ सय ४३ जना पुगेको छ ।

यस्तै हालसम्म संक्रमितमध्ये ६ लाख ३३ हजार ३ सय ३२ जना निको भएका छन् भने मृतकको कुल संख्या ९ हजार ५ सय ८२ पुगेको छ । हालसम्म संक्रमित निको हुने दर ९४ दशमलव ७ प्रतिशत रहेको छ । २०७६ चैतबाट सुरु भएको कोरोना महामारीको त्रास हझै हटेको छैन ।

कोरोना रोकथामका लागि लामो समय बन्दाबन्दीको साहारा लिइए पनि जनस्वास्थ्यका मापदण्ड पालनामा भैरहेको बेवास्ताले झनै जोखिम बढेको छ । केही ओरालो लागेको कोरोना दर फेरि उकालो लाग्न थालेको छ ।


क्याटेगोरी : जनगुनासो, देश/दुनियाँ, प्रमुख समाचार, शिक्षा स्वास्थ्य, समाचार
ट्याग : #कोरोनाभाइरस संक्रमण

तपाईको कमेन्ट लेख्नुहोस्