अफगानिस्तानबाट अमेरिका सेना फिर्ता हुन थालेपछि अनुवादक तथा दोभाषेहरु असुरक्षित

खोज पत्रिका बिहिबार, २०७८ असार ३१, ११ :५३ बजे

काठमाडौं । अमेरिकाले आफ्ना सैनिकलाई अफगानिस्तानमा द्वन्द्वको समयमा दोभाषेका रुपमा सहयोग गरेका अनुवादकहरुलाई सुरक्षित स्थानमा लैजान निर्देशन दिएको छ । जोखिममा रहेका अनुवादकहरुलाई अमेरिका वा अर्को कुनै देश लैजान अमेरिकाले निर्देशन दिएको हो । अमेरिकाको नेतृत्वमा सन् २००१ यता हुँदै आएको नेटा सैनिकको अभियान अफगानिस्तानमा अन्त्य हुँदैछ ।

सेप्टेम्बर ११ सम्ममा सबै विदेशी सैनिक अफगानिस्तानबाट बाहिरिने समय सीमा छ । अमेरिकी राष्ट्रपति जो बाइडेनले आउँदो अगस्ट अन्तिमसम्ममा आफ्ना सैनिक फिर्ता हुने घोषणा गरेका छन् । त्यसपछि पनि अफगानिस्तानमा अमेरिकी मिसनको सुरक्षाका लागि ६ सय ५० जति अमेरिकी सैनिक रहने छन् ।

अमेरिकी सहितका सैनिक फिर्ताको क्रम अन्तिम चरणमा पुग्दै गर्दा उनीहरुका सहयोगीका रुपमा काम गरेका अनुवादकहरु जोखिममा आएको भन्दै चासो र चिन्ता थपिएको थियो । अनुवादकहरुले आफूहरुको सुरक्षाका लागि उचित व्यवस्था गर्न माग गरेका थिए ।

क्याटेगोरी : विदेश, समाचार
ट्याग : #अफगानिस्तानबाट अमेरिका सेना फिर्ता