तोलामा ७ सयले घट्यो सुन

खोज पत्रिका बुधबार, २०७७ मंसिर २४, ११ :२६ बजे

काठमाडौं । बुधबार सुनको मूल्य सात सय रुपैयाँले घटेको छ । मंगलबार ९४ हजार १०० मा कारोबार भएको सुनको मूल्य आज ९३ हजार ४ सय कायम भएको हो। यसअघि मंगलबार एकैदिन तोलामा १५ सय रुपैयाँले वृद्धि भएको थियो।

नेपाल सुनचाँदी व्यवसायी महासंघका अनुसार आज तेजाबी सुनको मूल्य पनि तोलामा सात सयले घटेको हो । मंगलबार तेजाबी सुन तोलामा ९३ हजार ६ सय ५० मा कारोबार भएको थियो। आज ९२ हजार ९ सय ५० तोकिएको छ।

चाँदीको मूल्यमा पनि गिरावट आएको छ। मंगलबार एक हजार २ सय ३५ मा कारोबार भएको चाँदी आज एक हजार २ सय १५ मा कारोबार भइरहेको छ।

क्याटेगोरी : अर्थ, समाचार
ट्याग : #सुनको मूल्य