फेरि बढ्यो सुनको मुल्य, प्रतितोला १ लाख ३ हजार ५ सय पुग्यो

काठमाडौं । करिब तीन सातादेखि लगातार बढिरहेको सुनको मूल्य आज पनि उकालो लागेको छ । नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला १ लाख ३ हजार ५ सय रुपैयाँ पुगेको छ । हिजोको तुलनामा यो मूल्य एक हजार रुपैयाँ बढी हो । बिहीबार छापावाल सुनको मूल्य एक लाख दुई हजार ५ सय रुपैयाँ तोकिएको थियो ।
यस्तै, तेजाबी सुनको मूल्य प्रतितोला १ लाख ३ हजार रुपैयाँ कायम हुँदा चाँदी तोलाको १ हजार ४ सय ५ रुपैयाँ तोकिएको सुनचाँदी व्यवसायी महासंघले जनाएको छ । साउन ७ गतेयता सुनको मूल्यमा दिनहुँ रेकर्ड कायम भइरहेको छ । उक्त दिन छापावाल सुन तोलाको एक हजार ३ सय रुपैयाँ बढेर ९४ हजार पुगेको थियो । त्यस यता आठ हजार ८ सय रुपैयाँ बढिसकेको छ ।
क्याटेगोरी : अर्थ, जनगुनासो, समाचार
ट्याग : #छापावाल सुन, #सुनचाँदी व्यवसायी महासंघ
ताजा खबर
- १पूर्वराष्ट्रपति भण्डारीलाई विमानस्थलमै ५१ किलोको माला
- २प्रधानमन्त्रीलाई बालेनको आग्रहः लिपुलेक हाम्रो हो भनेर चीनलाई सम्झाउन नबिर्सनुहोस्
- ३रोहितको उत्कृष्ट शतकमा साउथ अष्ट्रेलियामाथि नेपालको जित
- ४आन्दोलनरत उखु किसानले भदौ २५ गतेदेखि अनिश्चितकालिन राजमार्ग बन्द गर्ने
- ५सुनको मूल्यमा रेकर्ड : तोलाकै २ लाख नाघ्यो
तपाईको कमेन्ट लेख्नुहोस्