कति पुग्यो कोरोना परिक्षण

खोज पत्रिका आइतवार, २०७७ बैशाख २८, १८ :४६ बजे

काठमाडौं २८ बैशाख । हालसम्म नेपालमा पीसीआर विधिबाट १६ हजार ८ सय ९८ वटा परीक्षण गरिएका छन् । त्यस्तै, आरडीटी ५६ हजार ५ सय ५० वटा परिक्षण गरिएको छ । पछिल्लो २४ घण्टामा १ हजार ३ सय १६ वटा परीक्षण गरिएका छन् । क्वारेन्टाइनमा कूल १३ हजार ६ सय २५ जना रहेका छन् भने आइसोलेसनमा संक्रमित र सम्भावित संक्रमित १ सय ६४ जना रहेका छन् । पछिल्लो २४ घण्टामा नयाँ कोरोनाभाइरसका संक्रमित फेला नपरेको स्वास्थ्य तथा जनसंख्या मन्त्रालयले जनाएको छ । हालसम्म नेपालमा ११० जना संक्रमित फेला परेका छन् । यसमध्ये ७८ जना पुरुष र ३२ जना महिला रहेका छन् । प्रदेश १ मा ३५ जना, प्रदेश २ मा ३१, बागमती प्रदेशमा ७, गण्डकी प्रदेशमा २, प्रदेश ५ मा ३० तथा सुदूरपश्चिम प्रदेशमा ५ जना संक्रमित फेला परेका छन् । यसमध्ये ३१ जना उपचारपछि निको भएर घर फर्किएका छन् ।

क्याटेगोरी : जनगुनासो, देश/दुनियाँ, समाचार
ट्याग : #कोरोनाभाइरसका संक्रमित