अमेरिकामा ह्वात्तै बढ्यो कोरोना मृत्युदर

काठमाडौं २४ बैशाख । अमेरिकामा कोरोना संक्रमणबाट दैनिक मृत्यु हुनेको संख्या फेरि ह्वात्तै बढेको छ । मंगलबार मुत्यु हुनेको संख्या हजारको हारहारीमा रहेको भएपनि बुधवारबाट फेरि बढेको छ । पछिल्लो २४ घण्टामा अमेरिकामा २ हजार ३ सय २९ जनाको मृत्यु भएको छ । यो अवधिमा २४ हजार ३ सय ४५ नयाँ संक्रमित थपिएका छन् । अमेरिकामा हालसम्म करिब ७३ हजारले ज्यान गुमाइसकेका छन् ।

यस्तै, बेलायतमा एकैदिन ६ सय ९३ जनाको मृत्यु भएको छ भने ब्राजिलमा ५ सय ७८ जनाको मृत्यु भएको छ । सोही अवधिमा फ्रान्समा ३ सय ३०, इटालीमा २ सय ३६ र स्पेनमा १ सय ८५ जनाले ज्यान गुमाएका छन् । अहिलेसम्म विश्वभर २ लाख ५८ हजार भन्दा बढीले ज्यान गुमाइसकेका छन् भने ३७ लाख २८ हजार भन्दा बढी संक्रमित छन् । १२ लाख ४२ हजार सफल उपचारपछि निको भएर घर फर्किसकेका छन् ।

थप समाचार

जेलबाट रविको अपिलः माग पूरा नभए संसदबाट राजीनामा दिनुपर्ने हुन…

देउवा–ओलीसहित तीनै सुरक्षा प्रमुखका बैठक बालुवाटारमा

गृहमन्त्री लेखकले दिए राजीनामा

जेनजी प्रदर्शनमा १९ जनाको मृत्यु, ३४७ घाइते

सामाजिक सञ्जाल नियमन नगरी खोल्न सकिँदैनः प्रधानमन्त्री ओली

पूर्वराष्ट्रपति भण्डारीलाई विमानस्थलमै ५१ किलोको माला