कम्मरमा २ किलो सुन लुकाउने १७ वर्षे युवक पक्राउ

खोज पत्रिका आइतवार, २०७६ साउन ५, १२ :५८ बजे

काठमाडौं ५ साउन । प्रहरीले काठमाडौंको नागढुंगा नाकाबाट दुई किलो सुन सहित एक जनालाई पक्राउ गरेको छ । महानगरीय प्रहरी वृत्त, थानकोटको टोलीले भैरहवाबाट आउँदै गरेको ट्रकबाट सुन सहित एक जनालाई नियन्त्रणमा लिएको छ । पक्राउ पर्नेमा रसुवाका १७ वर्षीय भीमबहादुर तामाङ छन् । भैरहवाबाट काठमाण्डौँतर्फ आउँदै गरेको लु २ ख ६५२ नम्बरको बसमा चेकजाँचका क्रममा उनी पक्राउ परेका थिए । कालो टेपले बेरेर सेतो पोलिथिनमा कपडाले कम्मरमा बाँधेर सुन लुकाइएको अवस्थामा भेटिएको हो । पक्राउ परेका तामाङलाई आवश्यक कारबाहीको लागि राजश्व अनुसन्धान विभाग ललितपुर पठाइएको छ ।

क्याटेगोरी : अर्थ, समाचार
ट्याग : #sun