Techie IT
  • ९ असोज २०७८, शनिबार
KhojPatrika

हुम्लामा दुर्घटना भएको जीप अझै फेला परेन


हुम्ला ३ असार । हुम्लामा भएको जीप दुर्घटनाको उद्दारमा समस्या भएको छ। गोताखोर नहुँदा कर्णाली नदीमा खसेको जीप अझै भेटिएको छैन् । गोताखोर नहुँदा घटना भएको तीन घण्टासम्म पनि जीप र यात्रुको अवस्था पत्ता लागेको छैन। कर्णाली नदी धमिलो र बहाव बढेकाले जीपको अवस्था पत्ता लगाउन समस्या भएको हो। हुम्लाको खार्पुनाथ गाउँपालिकाका उपाध्यक्ष सिन्धु हमाल शाही सहित दश जना यात्रु बोकेको लु १ ज ७१६६ नम्बर जीप कर्णाली नदीमा खसेको थियो । घटनामा परि वेपत्ता हुनेमा उपाध्यक्ष शाहीसहित, डाइभर मणि शाही, चन्द्र हमाल, ढुक्कु भण्डारी, वसन्ती शाही, नन्ददेवि सिंह, कौर विक र उनका दुई वर्षिया बालक, गोकुल सुनार र काठमाडौं थानकोटका एक जना रहेको प्रहरीको जनाएको छ। अन्य सबै खार्पुनाथ गाउँपालिका स्थानीय रहेको प्रहरीले जनाएको छ । जिल्ला प्रहरी कार्यालय हुम्लाका प्रहरी निरिक्षक राजेन्द्रबहादुर सिंहले जीप खोजी कार्य तीब्र बनाइएको बताएका छन् ।


क्याटेगोरी : प्रमुख समाचार, समाचार
ट्याग : #breeking

तपाईको कमेन्ट लेख्नुहोस्