पूर्व राष्ट्रपति गार्सियाले गोली हानेर आत्महत्या गरे

एजेन्सी ५ बैशाख । दक्षिण अमेरिकी देश पेरुका पूर्व राष्ट्रपति एलन गार्सियाले आत्महत्या गरेका छन् । पूर्व राष्ट्रपति गार्सियाले आफ्नै घरमा आफैले आफैलाई गोली हानेर आत्महत्या गरेका हुन् । भ्रष्टाचार आरोप लागेका गार्सियालाई प्रहरीले पक्राउ गर्ने तयारी थियो । तर, उनले आफैलाई गोली हानेका हुन् । गार्सियालाई तत्कालै राजधानी लिमामा रहेको अस्पताल लगिएको थियो । पेरुका वर्तमान राष्ट्रपति मार्टिन विज्काराले गार्सियाको निधनको पुष्टि गरेको अन्तर्राष्ट्रिय सञ्चारमाध्यमले जनाएका छन् ।गार्सियाको शव रहेको अस्पताल बाहिर उनका समर्थक भेला भएका छन् । गार्सियामाथि ब्राजिलको निर्माण कम्पनीसँग घुस लिएको आरोप थियो, जुन आरोप उनले अस्वीकार गर्दै आएका थिए । गार्सिया दुई पटक पेरुको राष्ट्रपति थिए । उनले पहिलो सन् १९८५ देखि १९९० तथा २००६ देखि २०११ पेरुको राष्ट्रपतिका रुपमा जिम्मेवारी सम्हालेका थिए । उनलाई पक्राउ गर्न प्रहरी घरमा पुगेको थियो । गार्सियाले प्रहरीसँग टेलिफोन गर्नका लागि समय मागे र आफ्नो कोठामा पसेको पेरुका गृह मन्त्रीलाई उद्धृत गर्दै बिबिसीले जनाएको छ । त्यसपछि उनले ठोका बन्द गरेको र एक मिनेटपछि उनले आफैलाई गोली हानेका हुन् । प्रहरीले ढोका फोरेर भित्रपस्दा गार्सिया कुर्चीमा बसिरहेका थिए र उनको टाउकोमा गोली लागेको थियो । उनलाई ल्याटिन अमेरिकाको जोन एफ केनेडीका रुपमा लिने गरिएको थियो ।

थप समाचार

राजसंस्था जनमत संग्रहबाट होइन, सबैको सहमतिबाटै पुनःस्थापित गर्नुपर्छः राप्रपा

अन्तरिम सरकारद्वारा मन्त्रिपरिषद् विस्तारः चार नयाँ मन्त्रीले लिए शपथ

निर्वाचन निर्वाध सम्पन्न गरी अहिलेको अवस्थालाई सहज निकास दिन आवश्यकः…

प्रतिनिधिसभा निर्वाचनः पाल्पा–२ बाट डा.महेश्वरी कुँवर कांग्रेस उम्मेदवार सिफारिस

आफ्नो वरिपरिकालाई मात्रै नेतृत्वका लागि योग्य ठान्ने ओली प्रवृत्ति अन्त्य…

सशस्त्र प्रहरी प्रमुख अर्यालको तीन तीन वर्षे उपलब्धिसँगै निर्वाचनलक्षित सुरक्षा…