रामोसको पेनाल्टीले स्पेनको विजयी सुरुवात

काठमाडौं १० चैत । स्पेनले युरोपक फुटबल २०२० को छनौट यात्रा सुरु गरेको छ । समूह एफ अन्तर्गत शनिबार राति भएको छनौट चरणको पहिलो खेलमा स्पेनले नर्वेमाथि २–१ को जित दर्ता गर्दे यात्रा तय गरेको हो । स्पेनको जितमा रोड्रिगो कप्तान सर्जियो रामोसले गोल गरेका थिए । नर्वेका लागि जोशुआ किङ्गले एक गोल फर्काए । घरेलु मैदानमा भएको खेलमा १६ औँ मिनेटमा रोड्रिगोको गोलबाट स्पेनले सुरुवाती अग्रता लिएको थियो । पहिलो हाफमा पछि परेको नर्वेका लागि ६५ औँ मिनेटमा पाएको पेनाल्टीमा किङ्गले बराबरी गोल फर्काए । तर स्पेनले त्यसको केही मिनेटपछि नै पेनाल्टी पायो । ७१ औँ मिनेटमा रामोसले पेनाल्टी मार्फत गोल गर्दै स्पेनलाई जित दिलाएका थिए । स्पेनले युरोकप फुटबलको उपाधि सन् १९६४, २००८ र २०१२ गरि तीन पटक जितेको हो । समूह एफ अन्तर्गत शनिबा राति नै भएको खेलमा स्वीडेनले रोमानियालाई २–१ ले हराएर छनौटमा विजयी सुरुवात गरेको छ । यस्तै माल्टाले पनि फारोइ आइल्याण्डमाथि २–१ कै जित दर्ता गरेको छ ।

थप समाचार

अस्ट्रेलियामा आम निर्वाचनः एक करोड ८० लाख मतदाता

भारत गोवाको लइराई देवी मन्दिरमा भागदौड, ६ को मृत्यु, ८०…

सर्वोच्चको आदेश शिक्षक नेताहरूको हठका विरुद्धमा होः शंकर पोखरेल

भूकम्पीय जोखिमबाट बच्न चेतना फैलाउन आवश्यक छः राष्ट्रपति

आजदेखि बजेट अधिवेशन, प्रधानमन्त्रीले सम्बोधन गर्ने

आज भूकम्प स्मृति दिवस मनाइँदै