मेस्सीको ह्याट्रिकमा बार्सिलोनाको शानदार जित

काठमाडौं ४ चैत । स्टार स्ट्राइकर तथा कप्तान लियोनल मेस्सीको उत्कृष्ट प्रदर्शनसहित बार्सिलोनाले ला लिगा फुटबलमा १० अंकको अग्रता लिएको छ । लिग अन्तर्गत आइतबार राति भएको खेलमा मेस्सीको ह्याट्रिकको सहयोगमा बार्सिलोनाले रियल बेटिसमाथि ४–१ को जित निकाल्यो । अवे मैदानमा भएको खेलमा मेस्सीले पहिलो हाफमा दुई गोल गरे । दोस्रो हाफमा उनले एक गोल थपे भने लुइस स्वारेजले एक गोल गरे । यस्तै रियल बेटिसले पनि दोस्रो हाफमा नै एक गोल फर्काएको थिए । १८ औँ मिनेटमा मेस्सीले गोल गर्दै टिमलाई सुरुवाति अग्रता दिलाए । पहिलो हाफको इन्जुरी समयमा मेस्सीले व्यक्तिगत दोस्रो गोल गर्दै टिमको अग्रता दोब्बर पारेका थिए। ६३ औँ मिनेटमा स्वारेजले गोल गरेपछि बार्सिलोनाको अग्रता ३–० मा पुग्यो । ८२ औँ मिनेटमा रियल बेटिसका लागि मोरोनले एक गोल फर्काएका थिए । ८५ औँ मिनेटमा मेस्सीले गोल गर्दै ह्याट्रिक पूरा गरे । मेस्सीले ला लिगामा गरेको यो ३३ औँ ह्याट्रिक हो । बार्सिलोना ४–१ ले विजयी भयो । जितपछि शीर्षस्थानको बार्सिलोनाको २८ खेलबाट ६६ अंक भएको छ र उ दोस्रो स्थानको एथ्लेटिको मड्रिड भन्दा १० अंकले अघि रहेको छ । आइतबार राति भएका अरु खेलमा सेभिल्लाले स्पानियोललाई १–०, रियल लाडोलिडले एइबरलाई २–१ तथा भिल्लाारियलले रायो भालेकानोलाई ३–१ ले हरायो । यस्तै भ्यालेन्सिया र गेटाफेले गोलरहित बराबरी खेल्दै अंक बाँडेका छन् ।

थप समाचार

संक्रमणकालिन अवस्थाको गम्भीर असर मुलुकको आर्थिक वृद्धिदरमा पर्ने

५ हजार कैदी अझै फरारः खोजतलासका लागि कार्यदल गठन

गृहमन्त्रीले जेन–जीका माग पूरा गर्दैनन्ः सुदन गुरुङ

सुशासन र सुरक्षाका चुनौतीबीच दृढ नेतृत्व प्रदर्शन गर्नेछुः महानिरीक्षक कार्की

नेशनल आइडी कार्ड बनाएका नेपालीले मतदाता नामावली संकलन गर्न अनलाइन…

इप्पान अध्यक्ष कार्की भन्छन्ः १० महिना भइसक्यो, वनमा छिर्न पाइँदैन,…