चिनियाँ प्रधानमन्त्री लिले घोषणा गरे नेपालका लागि कार्यक्रम

खोज पत्रिका मङ्लबार, २०७५ फाल्गुन २१, १६ :१४ बजे

काठमाडौ २१ फागुन । १३ औं चिनियाँ जनकँग्रेसको दोश्रो अधिवेशन बेइजिङस्थित जनबृहत सभा भवनमा मंगलबबारबाट सुरु भएको छ । अधिवेशनको चिनियाँ प्रधानमन्त्री लि खछ्याङले उद्घाटन गरे । प्रधानमन्त्री लिले वार्षिक कार्यक्रमको समीक्षा र सन् २०१९ को आगामी कार्यक्रम प्रस्तुत गरेका छन् । २ हजार ९ सय प्रतिनिधिहरु सहभागी सो अधिवेशनमा प्रधानमन्त्री लिले प्रस्तुत गरेको कार्यक्रमबारे बृहत छलफल हुँदैछ । प्रधानमन्त्री लिले सन् २०१८ मा चीनको वार्षिक बृद्धिदर साढे ६ प्रतिशत रहेको उल्लेख गरेका छन् । त्यस्तै उनले सन् २०१८ मा चीनको बेरोजगारी दर ५ प्रतिशतमा झार्न सफल भएको जनाएका छन् । सन् २०१८ मा १ करोड ३८ लाख ६० हजारलाई गरिबीबाट मुक्त गएिको समेत प्रधानमन्त्री लिले जानकारी दिए । जसमध्ये २८ लाख जनतालाई गरिबीबाट मुक्त गर्न स्थान्तरण गरिएको समेत उनले बताए । प्रधानमन्त्री लिले सन् २०१९ का केही महत्वपूर्ण कार्यक्रमहरु समेत सार्वजनिक गरेका छन् ।जसमा चिनियाँ कूल ग्राहस्थ उत्पादनको ४ प्रतिशत शिक्षामा खर्च गरिनेछ ।

त्यस्तै आगामी वर्ष गरिबी निवारण र बेरोजगारी दरका सवालमा समेत केही प्रक्षेपणहरु गरेका छन् । उनले प्रस्तुत गरेका १० वटा बुँदाहरु रहेका छन् । प्रस्तुत गरिएका १० वटा बुँदाहरुमा चीनले आर्थिक विकासमा खुकुलोपन अप्नाउने, विदेशी लगानीलाई प्रोत्साहन गर्ने, वान बेल्ट, वान रोडका कार्यक्रमलाई विशेष प्राथमिकतामा राखेका छन् । चीनका लागि नेपालका राजदूत लिलामणि पौड्यालले चीनले अघि सारेका गरिबी निवारण लगायतका कार्यक्रमहरु नेपालका लागि मात्र होइन विश्वका लागि समेत अनुकरणयोग्य रहेको प्रतिक्रिया दिएका छन् । पूर्वाधारको क्षेत्रमा चीनले अभूतपूर्व ढंगले प्रगति गरेको बताउँदै राजदूत लिलामणि पौडेलले ज्ञान र सीपबाट नेपालले धेरै सिक्न सक्ने बताए । चीनले छिन्चु–ल्हासा रेलमार्ग विस्तार गर्दै नेपालसँगको यातायात विस्तारमा जोड दिएको बताउँदै पौडेलले नेपालले यसप्रति विशेष पहल गर्नुपर्नेमा जोड दिए । सूचना–सञ्चारको क्षेत्रमा समेत चीनले विश्वमै उदाहरणीय काम गरेकोले त्यसमा पनि नेपालले सहकार्य गर्नुपर्ने उनले बताए । राजदूत पौडेलले नेपालको पूर्वाधार विकासका क्षेत्रहरु सडक, विद्युत, सञ्चार लगायतका क्षेत्रमा लगानी भित्र्याउन समेत चीनसँग सहकार्य गर्न सकिनेमा जोड दिए । चीनका लागि नेपालका राजदूत लिलामणि पौड्यालले चीनले अघि सारेका गरिबी निवारण लगायतका कार्यक्रमहरु नेपालका लागि मात्र होइन विश्वका लागि समेत अनुकरणयोग्य रहेको प्रतिक्रिया दिएका छन् ।