आइतबार पनि पानी पर्ने

खोज पत्रिका आइतवार, २०७५ फाल्गुन १९, ०८ :२४ बजे

काठमाडौं । देशभर आइतबार पनि मौसममा बदली भएर केही स्थानहरुमा पानी पर्ने सम्भावना रहेको जल तथा मौसम पूर्वानुमान महाशाखाले जनाएको छ । महाशाखाका मौसमविद सुवास रिमालले देशभर मौसम बदली भएर केही स्थानहरूमा मेघगर्जनसहित वर्षा हुने सम्भावना देखिएको जानकारी दिए । उनले देशभर मौसममा बदली भएकाले प्राय सबै क्षेत्रमा पानी पर्न सक्ने बताए । उच्च पहाडी भूभागहरुमा हल्का देखि मध्यम हिमपातको सम्भावना पनि रहेको उनले बताए । सोमबारदेखि सामान्य रुपमा मौसममा सुधार आउने बताइएको छ ।