अमेरिकी राष्ट्रपति ‘ट्रम्प पछिल्लो समयका खतरनाक

खोज पत्रिका आइतवार, २०७५ फाल्गुन १९, ०१ :४६ बजे

न्युयोर्कको ब्रुकलिनमा भएको कार्यक्रममा वर्तमान राष्ट्रपति डोनाल्ड ट्रम्पमाथि कडा प्रहार गर्दै पछिल्लो समय खतरनाकको संज्ञा दिएका छन् । अमेरिकी सिनेटर बर्नी सान्डर्सले सन् २०२० मा हुने राष्ट्रपति चुनावका लागि आफ्ना उम्मेदवारीको अभियान सुरु गरेका छन् । सान्डर्सले राष्ट्रपति चुनावका लागि आफ्नो उम्मेदवारीको औपचारक अभियान गरेका हुन् ।

सान्डर्सले ट्रम्प अमेरिकाको पछिल्लो इतिहासका सबैभन्दा खतरनाक राष्ट्रपति रहेको बताए । भर्मोन्टका स्वतन्त्र सिनेटर सान्डर्सले सन् २०१६ को चुनावका लागि डेमोक्र्याटिक पार्टी भित्रको उम्मेदवारी होडमा पछि परेका थिए । डेमोक्र्याटिक पार्टीबाट त्यो बेला सान्डर्स र हिलारी क्लिन्टन उम्मेदवारी होमा थिए र क्लिन्टनले उम्मेदवारी पाइन् । ब्रुकलिनमा भएको कार्यक्रममा सान्डर्सका समर्थकको ठूलो उपस्थिति थियो । डेमोक्र्याटिक पार्टी भित्र अरु १० जनाभन्दा बढीले पनि उम्मेदवारीमा आफ्नो होड प्रस्तुत गरेका छन् । त्यसमध्ये मासाचुसेस्ट्सकी सिनेटर एलिजाबेथ वारेन, न्यु जर्सीका सिनेटर कोरी बूकर तथा टेक्सासको सन एन्टोनिओका मेयर जुलियन क्यास्ट्रो पनि छन् ।