फर्कियो म्यानचेस्टर सिटी शीर्षस्थानमा

काठमाडौ । साबिक विजेता म्यानचेस्टर सिटी इंग्लिस प्रिमियर लिग फुटबलको शीर्षस्थानमा फर्किन सफल भएको छ । प्रिमियर लिग अन्तर्गत शनिबार राति अवे मैदानमा भएको खेलमा पेप गार्डिवलाको टिम म्यानचेस्टर सिटीले बोर्नमाउथलाई १–० ले हराएउदै शिर्षस्थानमा आएको हो । पहिलो हाफमा गोल रहित रहेको खेलमा म्यानचेस्टर सिटीका लागि महत्वपूर्ण जित दिलाउने गोल दोस्रो हाफमा रियाद महरेजले गरे । महरेजले ५५ औँ मिनेटमा गरेको गोलले सिटीको जित निश्चित गरेको हो ।

महरेजले यो सिजन सिटीका लागि ११ गोल गरे । जितपछि २९ खेलबाट ७१ अंक बनाएको सिटी शीर्षस्थानमा पुगेको छ । एक खेल कम खेलेको लिभरपुलको ६९ अंक छ र उ कम्तिमा एक दिनका लागि दोस्रो स्थानमा झरेको छ । लिग अन्तर्गत शनिबार राति नै भएको खेलमा तेस्रो स्थानको टोटनह्याम आर्सनलसँग १–१ को बराबरीमा रोकियो । घरेलु मैदानमा भएको खेलमा टोटनह्यामका लागि ७४ औँ मिनेटमा पाएको पेनाल्टीमा ह्यारी केनले गोल गरे । त्यसअघि १६ औँ मिनेटमा आर्सनलका लागि आरोन राम्सीले गोल गरेका थिए ।

थप समाचार

जनताकै सुझावबाट नीति र बजेट बन्ने प्रधानमन्त्री कार्यालयको दावी, ‘सुझाव…

विजयको सरकार गठनका लागि तमिलनाडुमा जुट्यो बहुमत

कानून दोषीका लागि भय र निर्दोषका लागि आशा हुनुपर्छः राष्ट्रपति…

रास्वपा उपनेता पराजुलीले भनेः पार्टीका सांसदहरु संसदीय भुमिकाबाट विमुख हुने…

लहडतन्त्र र भयतन्त्र ल्याउने प्रयासको प्रतिरोध गर्ने गगन थापाको चेतावनी

डर र प्रभावमा न्याय सम्भव छैन, महाअभियोगको त्रासबाट मुक्त भएर…