खाना पकाउने ग्यास भोलिदेखि आधा सिलिण्डर मात्र पाइने

खोज पत्रिका बिहिबार, २०८२ फाल्गुन २८, २१ :२७ बजे

काठमाडौँ । नेपाल आयल निगमले बजारमा आधा सिलिण्डर मात्रै ग्यास पठाउने निर्णय गरेको छ ।

शुक्रबारदेखि उपभोक्ताले ७.१ केजी तौल भएको आधा सिलिण्डर ग्यास बजारमा पठाउने निगमले जनाएको छ । आधा सिलिन्डर ग्यासको मूल्य पनि आधा नै तोकिएको छ ।

अन्तर्राष्ट्रियस्तरमा भइरहेको युद्धका कारण बजारमा ग्यास माग बढेको र आपूर्तिमा केही समस्या देखिएकाले त्यसलाई सामान्य बनाउन यस्तो कदम चालेको निगमले बताएको छ ।

यसका साथै आधा सिलिण्डर मात्रै वितरण गर्दा अनावश्यक रूपमा ग्यास थुपारेर राख्ने प्रवृत्ति पनि घट्ने निगमको दाबी छ। यो निर्णयले बजारमा देखिएको ग्यास अभाव हट्ने र उपभोक्ताले सजिलै ग्यास पाउने निगमको दाबी छ ।