राजु केसी रुकुमपश्चिमको कांग्रेस उम्मेदवार

काठमाडौं । नेपाली कांग्रेसले रुकुमपश्चिमको लागि युवा नेता राजु केसीलाई टिकट दिएको छ । विशेष महाधिबेशनबाट निर्वाचित सभापति गगन थापाले केसीलाई प्रतिनिधिसभाको रुकुमपश्चिमको उम्मेद्वारका लागि टिकट दिएका हुन ।

यसअघि रुकुमपश्चिमबाट जिल्ला सभापति प्रेमप्रकाश ओली र पूर्वराज्यमन्त्री गोपाल जीजंग शाह उम्मेदवार सिफारिस भएका थिए ।

तर, शाह र ओलीले बलिएको कांग्रेसको राजनीतिका कारण चुनाव नलड्ने प्रतिक्रिया दिएका थिए । जसका कारण जिल्लादेखि नै उम्मेदवारका आकांक्षी केसीलाई नै कांग्रेसले टिकट दिएको हो ।

जेनजी आन्दोलनपछि रुकुमपश्चिमका कांग्रेसका युवाहरुले पनि युवालाई नै यो पटक चुनावका लागि टिकट दिनुपर्ने आवाज उठाउँदै आएका थिए । केसी मंगलबार नै मुसिकोट पुगेर मनोनयन दर्ता गर्ने बताएका छन् ।

टिकट पाएपछि केसीले रुकुमपश्चिमका नेताहरुको साथ र सहयोगले नै आफू चुनाव लड्न लागेको प्रतिक्रिया दिएका छन् ।

उनले रुकुमपश्चिम कांग्रेस एकताबद्ध भएर चुनावमा जाने बताए । काठमाडौंमा रहेका नेताहरु पनि अव जिल्ला जाने र चुनावी अभियानमा लाग्ने केसीले बताएका छन् ।

थप समाचार

सरकारले नै विस्थापित सुकुम्वासीलाई आज र भोलि खानाको व्यवस्था गर्ने

हेडसरलाई थर्काएको रास्वपा सांसद विश्वराज पोखरेलको भिडियो भाइरल, चौतर्फी आलोचना

चल्यो सुकुम्बासी बस्तीमा डोजर,सरकारलाई सघाउदै निस्किए सुकुम्बासी, ५ स्थानमा बासस्थान

जानकी नवमीः मिथिलाको गौरव र माता जानकीको प्रादुर्भाव

रविलाई हर्कले सोधे–सुकुमबासीलाई धनीपूर्जा दिने बाचा गरेर चुपचाप घण्टीमा छाप…

वैशाख ११ अर्थात् लोकतन्त्र दिवस