स्पेनी लगानीकर्तासँग प्रधानमन्त्री ओलीले भने, नेपालमा लगानी गर्नुस्

खोज पत्रिका बिहिबार, २०८२ असार १९, ११ :२५ बजे

काठमाडौँ । प्रधानमन्त्री केपी शर्मा ओलीले स्पेनका लगानीकर्तालाई नेपालमा लगानी गर्न आह्वान गरेका छन् ।

नेपाली राजदूतावास म्याड्रिडद्वारा बुधबार आयोजित लगानी प्रवर्धन कार्यक्रममा ओलीले नेपालमा लगानीको अनुकुल वातावरण तयार भइसकेको बताएका हुन ।

उनले कानूनी, संस्थागत तथा प्रक्रियागत सुधार भएको उल्लेख गर्दै उनले दक्षिण एसियामध्ये नेपालमा लगानीका लागि सबैभन्दा अनुकूल वातावरण रहेको दाबी गरे ।

प्रधानमन्त्री ओलीले नवीकरणीय ऊर्जा, कृषि, सूचना प्रविधि, पर्यटन, स्वास्थ्य र शिक्षा क्षेत्रहरूमा अपार सम्भावना रहेको भन्दै स्पेनी व्यवसायीहरूलाई नेपालमा लगानी गर्न आग्रह गरे ।

कार्यक्रममा स्पेनी व्यवसायीहरूले नेपालको लगानी वातावरणबारे जिज्ञासा राख्दै सकारात्मक प्रतिक्रिया व्यक्त गरेका थिए ।

क्याटेगोरी : प्रमुख समाचार, राजनीति, विचार/लेख, समाचार