संघीय संसदमा सरकारको नीति तथा कार्यक्रम प्रस्तुत हुँदै

खोज पत्रिका मङ्लबार, २०८१ जेष्ठ १, ०७ :५१ बजे

काठमाडौं । आगामी आर्थिक वर्ष २०८१/०८२ को नीति तथा कार्यक्रम आज संघीय संसदमा पेस हुँदै छ । दिउँसो ३ बजे बस्ने प्रतिनिधि सभा र राष्ट्रिय सभाको संयुक्त बैठकमा राष्ट्रपति रामचन्द्र पौडेलले सरकारको नीति तथा कार्यक्रम प्रस्तुत गर्ने कार्यसूची छ ।

त्यसमाथिको छलफल भने प्रतिनिधि सभा र राष्ट्रिय सभामा छुटाछुट्टै हुनेछ । प्रतिनिधिसभा बैठकमा जेठ ३, ४, ६, ७, ८ र ९ गते छलफल हुने संघीय संसदका प्रवक्ता दशरथ धमलाले जानकारी दिए ।

राष्ट्रिय सभामा जेठ ३, ४ र ६ गते छलफल हुनेछ । अन्तिम दिनको छलफलबाट नीति तथा कार्यक्रम पारित गर्ने कार्यसूची छ । सरकारको नीति तथा कार्यक्रम पारित भएपछि जेठ १५ गते संघीय संसदमा बजेट प्रस्तुत हुने छ ।