उपेन्द्र यादवले मन्त्रीबाट राजीनामा दिदैं, समर्थन पनि फिर्ता लिने

खोज पत्रिका सोमवार, २०८१ बैशाख ३१, ०८ :३९ बजे

काठमाडौ । जनता समाजवादी पार्टी नेपालले प्रचण्ड सरकारमाथिको समर्थन फिर्ता लिने निर्णय गरेको छ । केन्द्रीय कार्यकारिणी समितिको बैठकले सरकारबाट बाहिरिने र समर्थन फिर्ता लिने निर्णय गरेपछि अध्यक्ष तथा स्वास्थ्य तथा जनसंख्या मन्त्री उपेन्द्र यादवले मन्त्रीबाट राजीनामा दिने तयारी गरेका छन् ।

आज बस्ने केन्द्रीय कमिटी बैठकले यसबारे अझ परिपक्व निर्णय गरी औपचारिकरूपमा सार्वजनिक गरिने बताइएको छ । प्रधानमन्त्री पुष्पकमल दाहाल ‘प्रचण्ड’ उपप्रधान तथा स्वास्थ्यमन्त्री उपेन्द्र यादवलाई राजीनामा गरेर बाटो खोलिदिन सन्देश पठाएका थिए ।

लगत्तै मधेशमा जसपा नेपाल नेतृत्वको सरकारबाट बाहिरिँदै गठबन्धन घटकको एमाले र माओवादीले समर्थन फिर्ता लिइसकेको छ ।

एमाले र माओवादीको मधेश कदमले दबाबमा परेका यादवले कार्यकारिणी बैठकमा समर्थन फिर्ताको प्रस्ताव गरेका थिए । प्रधानमन्त्रीबाट गलहत्त्याइनुभन्दा आफैँले सरकार छोड्नु उचित हुने बैठकले निष्कर्ष निकालेको छ ।