बझाङमा कांग्रेसको अग्रता कायमै

खोज पत्रिका सोमवार, २०८१ बैशाख १७, ०८ :३८ बजे

काठमाडौं । बझाङ क्षेत्र १ अन्तरगत प्रदेश सभा १ मा भएको उपनिर्वाचनको मतगणना जारी रहेको छ । २२ हजार २९६ मत गन्दा नेपाली कांग्रेसले अग्रता बनाएको छ ।

नेपाली कांग्रेसका अभिषेक बहादुर सिंहले ८ हजार ४०६ मत ल्याएर शीर्ष स्थानमा छ । उनलाई एमालेका दमनबहादुर भण्डारीले ८ हजार १६५ मत ल्याउँदै पछ्याइरहेका छन् ।

तेस्रो स्थानमा नेकपा माओवादी केन्द्रका जनकबहादुर बुढाले ३ हजार ११३ मत ल्याएका छन् । नेकपा एकीकृत समाजवादीका दिलबहादुर सिंहले २ हजार २६६ मत ल्याएका छन् ।

बझाङको क्षेत्र नम्बर १ को प्रदेशसभा ९१ ० मा शनिबार भएको उपनिर्वाचनमा ४९।१२ प्रतिशत अर्थात ३० हजार ३२८ मत खसेको थियो ।

क्याटेगोरी : प्रमुख समाचार, राजनीति, विचार/लेख, समाचार
ट्याग : #बझाङ क्षेत्र १, #मतगणना जारी