रविप्रति गगनको टिप्पणीः जादुगर हुँ भन्दै संविधानमाथि प्रहार गर्ने ?

खोज पत्रिका शुक्रबार, २०८० माघ २६, २१ :३८ बजे

काठमाडौं । नेपाली काँग्रेसका महामन्त्री गगनकुमार थापाले नयाँ राजनीतिक दलहरुबाट पनि संविधानमाथि प्रहार भइरहेको आरोप लगाएका छन् ।

शुक्रवार काँग्रेस काठमाडौं जिल्ला सम्मेलनमा उनले राष्ट्रिय स्वतन्त्र पार्टीका सभापति रवि लामिछानेप्रति लक्षित गर्दै निर्वाचनमा भाग लिएको जस्तो देखिएपनि इतिहासलाई मेटाउने, संघर्षका दिनहरुलाई मेटाउने काममा लागेको आरोप लगाएका हुन ।

उनले आफू जादुगर हुँ भन्दै आउनेहरु लोकरिजाँईको राजनीति गरेर संविधानमाथि निरन्तर प्रहार गरिरहेको बताए । संविधानमाथि प्रहार गर्नेहरुलाई चिनेर चिरफार गर्नुपर्ने भन्दै उनले राष्ट्रिय प्रजातन्त्र पार्टीप्रति लक्षित गर्दै विगतको अध्याँरोको बारेमा चर्चा गरेर अहिलेको कामलाई ओझोलमा पार्ने काम गरिरहेको बताए ।

महामन्त्री थापाले नेपाली काँग्रेसलाई देशमा संकट छ भन्ने छुट नरहेको र देश सम्हाल्ने काम काँग्रेसको भएको बताएका थिए ।