Techie IT
  • ९ असार २०८१, शनिबार
KhojPatrika

प्रचण्डको राजीनामा माग्दै संसदमा हंगामा, एमाले, राप्रपा र रास्वपा एकै ठाउँ !


काठमाडौं । प्रमुख प्रतिपक्षी दल नेकपा एमालेले संघीय संसदको दुबै सदन अवरोध गरेको छ । प्रधानमन्त्री पुष्पकमल दाहालले दिएको अभिव्यक्तीको विरोध गर्दै एमालेले संसद अवरोध गरेको हो । एमालेले प्रधानमन्त्रीको राजीनामा समेत मागेको छ । एमालेसहितका विपक्षी दलहरुले अवरोध गरेपछि आधा घण्टाका लागि स्थगित भएको प्रतिनिधिसभाको बैठक सूचना टाँसेर स्थगित भएको छ ।

यता राष्ट्रियसभाको बैठक समेत सूचना टाँसेर स्थगित गरिएको छ । प्रमुख प्रतिपक्षी दल नेकपा एमालेले संघीय संसदका दुबै सदन अवरोध गरेको छ । प्रधानमन्त्री पुष्पकमल दाहालले आफुलाई प्रधानमन्त्री बनाउन प्रीतम सिंह पटकपटक दिल्ली गएको अभिव्यक्ती दिएको विरोधमा एमालेले संसदमा विरोध गरेको हो ।

प्रतिनिधिसभाको बैठक शुरु हुनासाथ एमाले सांसद रघुजी पन्तले प्रधानमन्त्री दाहालको अभिव्यक्तीले नेपालको राष्ट्रियता कमजोर बनाएको भन्दै राजीनामा नदिएसम्म संसद चल्न नदिने अडान राखेका थिए । एमालेको विरोधका बिच प्रतिनिधिसभाको बैठक चलाउन खोजेको सभामुख देवराज घिमिरेले बैठकको कार्यसूचीअनुसार संसद चलाउन आग्रह गरेका थिए । तर राप्रपाका सांसदहरुले वेल घेराउ गरेपछि अबस्था तनावपुर्ण बन्यो ।

यता नेकपा एमालेले नै राष्ट्रियसभा बैठक समेत अवरुद्ध गरेको छ । प्रधानमन्त्रीको अभिव्यक्तीले नेपाली जनताको अवमुल्यन भएको भन्दै राष्ट्रियसभामा समेत एमालेले प्रधानमन्त्री दाहालको राजीनामा मागेको हो । एमालेले प्रधानमन्त्री दाहालले राजीनामा नदिएसम्म संसदको अवरोध नखोल्ने अडान लिएको छ । यता प्रधानमन्त्री दाहालले भने प्रितम सिंहबारे आफुले दिएको अभिव्यक्तीको बचाउ गरेका छन् ।


क्याटेगोरी : जनगुनासो, प्रमुख समाचार, राजनीति, विचार/लेख, समाचार
ट्याग : #संघीय संसद, #संसदको दुबै सदन

तपाईको कमेन्ट लेख्नुहोस्