सरकारविरुद्ध निरन्तर बोल्ने माधव नेपाल आखिर कसरी पछि हटे ? सरकार ढाल्ने धम्कीले प्रचण्ड लचिलो

खोज पत्रिका बुधबार, २०८० जेष्ठ ३१, २० :१२ बजे

काठमाडौं । अर्थमन्त्री डाक्टर प्रकाशशरण महतले आगामी आर्थिक वर्ष २०८०/ 0८१ का लागी ल्याएको बजेटमाथी आक्रामक देखिएका नेकपा एकिकृत समाजवादीका अध्यक्ष माधवकुमार नेपाल अहिले सकारात्मक देखिएका छन । बजेट नसच्याए सरकार ढल्ने चेतावनी दिएका नेपाल अहिले त्यहि बजेट पारित गर्न तयार भएका हुन् ।

यसअघि अर्थमन्त्री डाक्टर महतले ल्याएको बजेट गोरखा, डडेल्धुरा नुवाकोटमुखी भएको भन्दै नेपालले सच्याउन माग गरेका थिए । उनले बजेट नसच्याए प्रधानमन्त्री पुष्पकमल दाहाल नेतृत्वको बर्तमान सरकार ढल्ने चेतावनी दिएका थिए । बजेटको बिरोध गर्ने क्रममा नेपालले बजेटमा सबैजना असन्तुष्ट रहेको उल्लेख गर्दै प्रधानमन्त्री र अर्थमन्त्रीले लचकता नदेखाए सरकार दुर्घटनामा जाने चेतावनी दिएका थिए । अहिले भने बजेटलाई लिएर नेपाल नरम छन ।

बजेटलाई छोडेर अहिले सत्ता गठबन्धनको बचाउ गरीरहेका छन । सरकार ढाल्ने चेतावनी सम्म दिन भ्याएका नेपाल अहिले भने सत्ता गठबन्धनका घटकहरुका बीचमा केही मतान्तर हुनु स्वाभाविक रहेको बताउछन । अध्यक्ष नेपाल मात्रै होईनन् एकिकृत समाजवादीका अन्य प्रभाबशाली नेताहरुले समेत बजेटको चर्को बिरोध गरेका थिए ।

उपाध्यक्ष राजेन्द्रप्रसाद पाण्डेदेखी अन्य सांसदहरुसम्मले सार्वजनिक कार्यक्रमबाटै बजेटको चर्को आलोचना गरेका थिए । उनीहरुले नै बजेटको बिरोध गर्न अध्यक्ष माधव कुमार नेपालमाथी दबाब बनाएका थिए । बजेट सच्याउन माग गर्दै उनिहरु प्रधानमन्त्री र अर्थमन्त्रीलाई भेट्न सिंहदरबार समेत पुगेका थिए । मंगलबार मात्रै बसेको सत्ता गठबन्धनको बैठकले बजेट सच्याउने विषयमा सकारात्मक छलफल गरेको बताइएको थियो । त्यसलगत्तै अध्यक्ष नेपालको बोली समेत फेरिएको हो ।