Techie IT
  • १ असार २०८१, शुक्रबार
KhojPatrika

३५ दिनभित्र ऋण चुक्ता गर्न ७० वटा सहकारीलाई स्वरोजगार कोषको ताकेता


काठमाडौं । युवा तथा साना व्यवसायी स्वरोजगार कोषले थोक कर्जा सम्झौता गरी लिएको ऋण चुक्ता गर्न ७० वटा सहकारीलाई सचेत गराएको छ । कोषले आज सार्वजनिक सूचना निकालेर कोषलाई बुझाउनुपर्ने साँवा, ब्याज र हर्जानासहितको सम्पूर्ण रकम ३५ दिनभित्र बुझाउन आग्रह गरेको हो ।

कोषले तोकिएको समयमा रकम नबुझाएमा संस्थाका सञ्चालक समिति, लेखा समिति एवम् कर्जा उप–समितिको तीनपुस्ते विवरणसहित रकम असुलीको लागि कालोसूचीमा राख्ने प्रक्रिया थाल्ने चेतावनी समेत दिएको छ । ऋण चुक्ता गर्नुपर्ने गरी कोषले निकालेको विवरणमा सबैभन्दा धेरै कर्णाली प्रदेशका २८ वटा सहकारी परेका छन् । यस्तै, कोशी प्रदेशका १४, मधेस प्रदेशका ११, बाग्मतीका १०, लुम्बिनीका ४ र सुदूरपश्चिम प्रदेशका ३ वटा सहकारीलाई सचेत गराइएको छ ।

सात प्रदेशमध्ये गण्डकीमा सञ्चालनमा रहेका सहकारी ऋण चुक्ता गर्नुपर्ने यो सूचीमा परेका छैनन् । थोक कर्जा तिर्न बाँकी सहकारीमध्ये रकम बुझाइ हिसाब मिलान गर्न बाँकी भएमा कोषको सचिवालयमा आवश्यक भौचरसहित हिसाब मिलान गर्न समेत अनुरोध गरिएको छ ।


क्याटेगोरी : जनगुनासो, देश/दुनियाँ, प्रमुख समाचार, राजनीति, विचार/लेख
ट्याग : #युवा तथा साना व्यवसायी, #स्वरोजगार कोष

तपाईको कमेन्ट लेख्नुहोस्