Techie IT
  • ३१ जेठ २०८१, बिहीबार
KhojPatrika

कर्णालीको उत्कृष्ट शाखाको रुपमा पत्रकार महासंघ रुकुम सम्मानित


काठमाडौं । कर्णाली प्रदेशको उत्कृष्ट जिल्ला शाखाको रुपमा नेपाल पत्रकार महासंघ रुकुम पश्चिम शाखा सम्मानित भएको छ ।

मंगलबार कालिकोट जिल्लाको नरहरिनाथ गाउँपालिकाको सुनथराली बिमानस्थलमा भएको नेपाल पत्रकार महासंघ कर्णाली प्रदेशको साधारण सभाको अवसरमा रुकुम पश्चिम शाखालाई सम्मान गरिएको हो ।

कर्णालीका १० जिल्ला शाखाहरु मध्य कार्यसम्पादनको आधारमा नेपाल पत्रकार महासंघ रुकुम पश्चिम शाखा उत्कृष्ट शाखाको रुपमा सम्मानित भएको हो । कार्यक्रममका कर्णाली प्रदेशका पूर्वमुख्यमन्त्री महेन्द्र बहादुर शाहीले जिल्ला शाखा अध्यक्ष लक्ष्मण केसीलाई सम्मान सहित उत्कृष्ट शाखाको प्रमाण पत्र प्रदान गरेका थिए ।

पत्रकार महासंघ कर्णाली प्रदेशका अध्यक्ष देवीराम देवकोटाको अध्यक्षमा भएको उक्त कार्यक्रममा कर्णाली प्रदेशका १० जिल्लाका पत्रकारहरु, स्थानीयवासीहरुको सहभागिता रहेको थियो ।


क्याटेगोरी : जीवनशैली, प्रमुख समाचार, राजनीति, समाचार
ट्याग : #नेपाल पत्रकार महासंघ रुकुम पश्चिम शाखा, #रुकुम पश्चिम शाखा सम्मानित

तपाईको कमेन्ट लेख्नुहोस्