घट्यो पेट्रोलियम पदार्थको मूल्य, यस्तो छ पेट्रोल, डिजेल र मट्टितेलको नयाँ मुल्य

खोज पत्रिका मङ्लबार, २०७९ चैत्र २१, ०२ :१९ बजे

काठमाडौं । नेपाल आयल निगमले पेट्रोलियम पदार्थको मूल्य घटाएको छ ।

पेट्रोलमा प्रतिलिटर ३ रुपैयाँ, डिजेल, मट्टीतेल र हवाई इन्धन आन्तरिकको प्रतिलिटर १० रुपैयाँ मूल्य घटेको छ । यससँगै पेट्रोलको मूल्य प्रतिलिटर १ सय ७५, डिजेल र मट्टीतेलको प्रतिलिटर १ सय ६५ रुपैयाँ कायम भएको छ ।

बढेको मूल्य आज रातिदेखि लागू हुनेछ । भारतीय आयल कर्पोरेसन (आईओसी) ले अप्रिल १ मा नयाँ मूल्यसूची पठाएको थियो । नयाँ मूल्यसूची अनुसार पेट्रोलमा प्रतिलिटर १ रुपैयाँ ८६ पैसा र डिजेलमा ६ रुपैयाँ ८२ पैसा घटेर आएको थियो ।

आईओसीले मार्च १५ मा पठाएको मूल्यमा पेट्रोलमा ८६ पैसा र डिजेलमा १ रुपैयाँ ५० पैसा घटेर आएको थियो । आईओसीलाई बुझाउनुपर्ने बक्यौता र सरकारलाई तिर्नुपर्ने ऋणका कारण निगमले मूल्य समायोजन गर्न आनाकानी गर्दै आएको थियो ।