एमाले अध्यक्ष ओलीले भने अवको राष्ट्रपति हामीले जो भन्छौ त्यही हुन्छ

खोज पत्रिका शुक्रबार, २०७९ माघ २७, १७ :४५ बजे

काठमाडौं । नेकपा एमालेका अध्यक्ष केपी शर्मा ओलीले अबको राष्ट्रपतिबारे छोटो प्रतिक्रिया दिएका छन् । उनले पत्रकारहरुको प्रश्नमा आफूहरुले भनेकै व्यक्ति राष्ट्रपतिमा आउने बताएका हुन ।

राष्ट्रपतिको सम्बोधनपछि संसद भवनबाट बाहिरिने क्रममा अबको राष्ट्रपति को हुन्छ भन्ने प्रश्नमा ओलीले भने– हामीले जो भन्छौं उही हुन्छ । अध्यक्ष ओलीले सुदूरपश्चिमको सरकार ढलेपछि केन्द्रमा के हुन्छ भन्ने प्रश्नको उत्तरमा भने हेर्दै जाउँ के हुन्छ ।

ओलीले लोकतान्त्रिक समाजवादी पार्टीका अध्यक्ष महन्थ ठाकुरलाई संसदबाट निस्केपछि आफ्नो गाडीमा चढाएका थिए । राष्ट्रपति विद्यादेवी भण्डारीको संबोधन सकिए लगत्तै संसदबाट बाहिरिएका ओलीले ठाकुरलाई आफ्नो गाडीमा चढाएर लगेका हुन् । ओली निवास बालकोटमा दुई नेताबीच संवाद भएको छ ।