Techie IT
  • ९ असार २०८१, शनिबार
KhojPatrika

उपसभामुखमा राष्ट्रिय स्वतन्त्र पार्टीकी सांसद इन्दिरा राना मगर निर्वाचित


काठमाडौं । उपसभामुखमा राष्ट्रिय स्वतन्त्र पार्टीकी सांसद इन्दिरा राना मगर निर्वाचित भएकी छन् । शनिबार बसेको प्रतिनिधिसभा बैठकमा उनलाई उपसभामुखमा निर्वाचित गरियोस् भनी सांसद सोबिता गौतमले राखेको प्रस्ताव बहुमतले पारित भएको हो ।

प्रतिनिधिसभाका २ सय ७५ सांसदमध्ये उपसभामुखको निर्वाचनमा २ सय ६४ जना सहभागी भएका थिए । जसमध्ये इन्दिराको पक्षमा १ सय ६६ र विपक्षमा ९७ मत परेको थियो ।

सभामुख देवराज घिमिरेले सबैभन्दा पहिला रानाको उम्मेदवारीलाई सभामा निर्णयार्थ प्रस्तुत गरेका थिए । नेपाल मजदुर किसान पार्टीका सांसद प्रेम सुवाल भने तटस्थ बसे ।

इन्दिरालाई नेकपा एमाले, नेकपा माओवादी केन्द्र, राष्ट्रिय स्वतन्त्र पार्टी, राप्रपा लगायत सत्तारुढ गठबन्धनका दलहरुले मतदान गरेका थिए । मत विभाजनको क्रममा रानाको पक्षमा बहुमत सांसद देखिएपछि उनको प्रर्तिस्पर्धी रहेकी कांग्रेस सांसद मुक्ताकुमारीको उम्मेदवारीलाई निर्णयार्थ प्रस्तुत गर्नुपरेन ।


क्याटेगोरी : जीवनशैली, प्रमुख समाचार, राजनीति, विचार/लेख, समाचार, सामाजिक सञ्जाल
ट्याग : #इन्दिरा राना मगर, #इन्दिरा राना मगर निर्वाचित, #सोबिता गौतम

तपाईको कमेन्ट लेख्नुहोस्