Techie IT
  • ९ असार २०८१, शनिबार
KhojPatrika

गृहमन्त्री रवि लामिछानेको ताकेतापछि फिर्ता भए २ सय २१ सुरक्षाकर्मी


काठमाडौं । गृह मन्त्रालयले जारी गरेको ४८ घण्टे अल्टिमेटमबाट २ सय २१ सुरक्षाकर्मी फिर्ता भएका छन् । मापदण्ड विपरीत विभिन्न व्यक्तिको सुरक्षामा खटिएका दुई सय २१ जना सुरक्षाकर्मी फिर्ता भएका हुन ।

मगंलबार गृह मन्त्रालयले कार्यविधि विपरीत विभिन्न व्यक्तिको सुरक्षामा खटिएका सुरक्षाकर्मीलाई ४८ घण्टाभित्र फिर्ता बोलाउन मातहतका सुरक्षा निकायलाई निर्देशन दिएको थियो । सोही निर्देशन अनुसार नेपाल प्रहरीका एक सय तीन र सशस्त्र प्रहरीका एक सय १८ जना फर्किएका छन् ।

अस्ति र हिजो गरेर दुई सय २१ जना सुरक्षाकर्मी फिर्ता भएको गृह मन्त्रालयले जनाएको छ । राजनीतिक दलका नेता, बहालवाला तथा पूर्वप्रशासकको सुरक्षा र चालकका रूपमा उनीहरू खटिँदै आएका थिए । यस्तै केही नेता तथा कर्मचारीले भने सुरक्षाकर्मी तथा चालक फिर्ता गरिएकोमा असन्तुष्टिसमेत जनाएका छन् ।

नेपाल प्रहरीका छ सय ६१ र सशस्त्र प्रहरीका चार सय पाँच जना सुरक्षाकर्मी बहालवाला तथा पूर्वविशिष्टको सुरक्षामा खटिएको प्रारम्भिक तथ्याङ्क छ । नवनियुक्त उपप्रधान एवम् गृहमन्त्री रवि लामिछानेको निर्देशनपछि गृह मन्त्रालयले नेपाल प्रहरी र सशस्त्र प्रहरी बललाई निर्देशन दिएको थियो ।

विशिष्ट व्यक्तिको सुरक्षा व्यवस्थापन कार्यविधि २०७७ अनुसार बहालवाला तथा पूर्व निश्चित पदाधिकारीलाई मात्रै सेना, प्रहरी र सशस्त्रका अङ्गरक्षक, सवारी, इन्धनसहितको सुविधा तोकिएको भए पनि शक्तिको दुरुपयोग गर्दै आएका थिए ।


क्याटेगोरी : देश/दुनियाँ, प्रमुख समाचार, राजनीति, समाचार
ट्याग : #गृह मन्त्रालय, #सुरक्षाकर्मी फिर्ता

तपाईको कमेन्ट लेख्नुहोस्