राष्ट्रिय स्वतन्त्र पार्टीका सांसदलाई सञ्चार माध्यममा बोल्न र अन्तरवार्ता दिन रोक

काठमाडौं । रवि लामिछाने नेतृत्वको  राष्ट्रिय स्वतन्त्र पार्टीका नवनिर्वाचित सांसदलाई सञ्चार माध्यममा बोल्न रोक लगाइएको छ । पार्टीले सबै सांसदलाई पदको सपथ नलिएसम्म सार्वजनिक सञ्चार माध्यममा बोल्न र प्रतिक्रिया दिन प्रतिबन्ध लगाएको हो।

अहिले नै पार्टीको आधिकारिक नीति र विचार प्रस्ट नभएको, नयाँ सरकारमा हुने भूमिका खुलिनसकेको अवस्थामा सञ्चार माध्यममा अन्तर्वार्ता वा अन्य भनाइ नराख्न पार्टीले सांसदलाई निर्देशन दिएको एक नेताले जानकारी दिए । मंसिर ४ को निर्वाचनबाट संघीय संसदको चौथो शक्तिका रूपमा उदाएको राष्ट्रिय स्वतन्त्र पार्टीका २० सांसद छन्।

उनीहरू कसैलाई पनि अहिले सार्वजनिक मिडियामार्फत आफ्नो भनाइ नराख्न पार्टीले आन्तरिक बैठकमा निर्देशन दिएको थियो । पार्टी सभापति रवि लामिछानेले सांसदका पछिल्ला अन्तर्वार्ता विवादित भएपछि नबोल्न निर्देशन दिएको बताइएको छ।

थप समाचार

गैरदलीय स्थानीय निर्वाचन माग्दै कुलमान घिसिङ

सरकारबिरुद्ध आन्दोलन गर्ने ओली–प्रचण्डको धम्की, प्रधानमन्त्रीको कार्यशैलीमाथि प्रश्न

इन्टरनेटमा मनलाग्दी शुल्क असुली, सरकार मुखदर्शक, उपभोक्ता ठगिदैं

चक्रवात ‘अर्णव’को प्रभावले नेपालमा पनि असर,विहिबारदेखि पानी पर्ने

रसुवा भोटेकोशी नदीमा बेपत्ताको अवस्था अझै अज्ञात, सरकारले खोज्नै छाड्यो

साढे दुई लाख कार्यकर्ता खोज्दै गगन, मंसिरभर घरदैलो अभियानमा जाने