स्याङ्जा २ मा धनराज गुरुङ साढे ५ हजार बढी मतले अगाडि

खोज पत्रिका शनिबार, २०७९ मंसिर १७, १५ :५६ बजे

काठमाडौं । स्याङ्जा २ मा प्रतिनधिसभा सदस्यको मतगणनामा नेपाली कांग्रेसका उम्मेदवार धनराज गुरुङले फराकिलो अग्रता बनाउँदै लिएका छन् ।

शनिबार बेलुका सार्वजनिक मतपरिणाम अनुसार धनराजले २८ हजार ४ सय २६ मत पाएका छन् भने नेकपा एमालेकी उम्मेदवार पद्‍मा अर्यालले २२ हजार ६ सय ५४ मत पाएकी छन् । उनीहरुबीचको मतान्तर ५ हजार ७ सय ७२ छ ।

स्याङ्जा प्रदेशसभा निर्वाचन क्षेत्र २ मा पनि नेपाली कांग्रेसका महेश भट्टराईले अग्रता कायम राखेका छन् । उनले १६ हजार १ सय ९ मत पाएका छन् भने नेकपा एमालेका वुद्धिमान श्रेष्ठले १३ हजार ९४ मत पाएका छन् ।

भट्टराई ३ हजार ३ सय ५मतान्तरले अगाडि छन् । स्याङ्जा २ मा प्रतिनिधिसभामा ७० हजार १ सय ९१ मत खसेकामा अब चापाकोट नगरपालिकाको ५, ६, ७, ८, ९ र १० नम्बर वडाको मतगणना हुन बाँकी छ ।