एमाले अध्यक्ष ओलीसँग टेलिफोनमा कुरा गर्न एक दिनमै १ लाख १३ हजारले म्यासेज गरे नम्बर

खोज पत्रिका बुधबार, २०७९ कार्तिक २, २१ :११ बजे

काठमाडौं । नेकपा एमालेका अध्यक्ष केपी शर्मा ओलीले टेलिफोनमा कुराकानी गर्ने सामाजिक सञ्जालमा पोष्ट गरेपछि नम्बर टिपाउनेको लर्को नै लागेको छ । ओलीसँग प्रत्यक्ष टेलिफोन संवाद गर्नका लागि मंगलवार साँझदेखि बुधवार अपरान्हसम्म १ लाख १३ हजारजना भन्दा बढीले नाम र नम्बर म्यासेज गरेर टिपाएका छन् ।

अध्यक्ष ओलीले चुनावका सन्दर्भमा सर्वसाधारणका सुझाव लिन बुधवार साँझ फेसबुकमार्फत आह्वान गर्दै नाम र नम्बर टिपाउन आग्रह गरेका थिए । ओलीको इन्बक्समा १ लाख १३ हजार ४ सय ७७ जनाले नाम टिपाइसकेको र यसबाट आफू खुशी भएको उनले बताएका छन् ।

धेरै नाम र नम्बर आएकाले ओलीले नाम टिपाउने समय बिहीबार दिउँसो १२ बजेसम्म निर्धारण गरिएको छ । टेलिफोनमा कुराकानी गर्नेदेखि प्रधानमन्त्री शेरबहादुर देउवालाई प्रत्यक्ष बहसमा आउन समेत चुनौति ओलीले दिइरहेका छन् ।