प्रधानमन्त्री देउवाले उजुरीविरुद्ध जवाफ दिने समय २ बजेसम्म

खोज पत्रिका मङ्लबार, २०७९ अशोज २५, ०७ :३९ बजे

काठमाडौं । जन्ममिति फरक–फरक भएको भन्दै उजुरी परेपछि प्रधानमन्त्री शेरबहादुर देउवालाई प्रस्ट पार्न निर्वाचन आयोगले समय दिएको छ । नागरिकता र मतदाता नामावलीमा फरक–फरक जन्ममिति परेको भन्ने उजुरीबारे जवाफ दिनका लागि आज दुई बजेसम्मको समयसीमा दिइएको हो ।

देउवाका विपक्षी उम्मेदवार नेपाली कांग्रेस बिपी समुहका उम्मेदवार कर्ण मल्लले जन्ममिति फरक भएको भन्दै दिएको उजुरीमा देउवाले आज २ बजेसम्म जवाफ दिइसक्नु पर्नेछ । देउवा माथी परेको उजुरी उपर स्पष्ट पार्नका लागि निर्वाचन कार्यालयले मंगलबार दिउँसो २ बजेसम्मको समय निर्धारण गरिएको डडेल्धुरामा प्रमुख निर्वाचन अधिकृत बालकृष्ण वाग्लेले जानकारी दिए ।

देउवा बिरुद्ध सोमवार उजुरी परेको थियो । सूचना पाटीमा टाँसिएको ब्यहोरालाई आधार मानेर प्रधानमन्त्री देउवाले उजुरीमाथि प्रमाण पेश गर्नु पर्नेछ । प्रधानमन्त्रीसमेत रहेको देउवाले पत्नी आरजु राणालाई वारेस बनाएर आइतवार उम्मेदवारी दर्ता गराएका थिए ।

क्याटेगोरी : प्रमुख समाचार, राजनीति, समाचार
ट्याग : #जन्ममिति फरक–फरक, #प्रधानमन्त्री शेरबहादुर देउवा