Techie IT
  • २३ साउन २०७९, सोमबार
KhojPatrika

टेवा बहुउद्देश्यीय सहकारीले गर्यो ज्येष्ठ शेयर सदस्यहरुलाई सम्मान


ललितपुर । जिल्लाको हातिवनस्थित टेवाचोकमा रहेको टेवा बहुउद्देश्यीय सहकारी संस्थाले शनीवार जेष्ठ नागरिक शेयर सदस्यहरुलाई सम्मान गरेको छ । सहकारीले विशेष कार्यक्रमको आयोजना गरी २९ जना जेष्ठ शेयर सदस्यहरुलाई नगद १० हजार सहित दोसल्ला ओढाएर सम्मान पत्र प्रदान गरेको हो ।

६९ वर्ष पुरा भएका र सहकारीको शेयर सदस्य बनेको पाँच वर्ष पुरा भएकाहरुलाई सम्मान गरिएको सहकारीका अध्यक्ष लवकुमार खड्काले जानकारी दिए ।

जेष्ठ नागरिकको समस्याप्रति कुनै चासो नै नलिने र उनीहरूलाई बेवास्ता गर्ने प्रवृति अझै समाजमा रहेको र त्यसलाई अन्त्य गर्नुपर्ने सन्देशको सुरुवात टेवा बहुउद्देश्यीय सहकारीले प्रारम्भ गरेको र यसलाई निरन्तर अघि बढाई आगामी दिनमा पनि सम्मान गर्ने उनले बताए ।

यस्तै सहकारीका जेष्ठ नागरिक उपसमितिका संयोजक रामशरण दुलालले प्रत्येक वर्ष ६९/७० वर्ष पुरा भएका र पाँच वर्ष सम्म बढी सक्रिय कारोवार गरेका जेष्ठ नागरिकहरुलाई प्रत्येक वर्ष दश हजार प्रदान गरिने जानकारी दिए ।

कार्यक्रमको उद्घाटन जेष्ठ शेयर सदस्य सिहंबहादुर महतले गरेका थिए । यस्तै सहकारीले रक्तदान तथा निशुल्क आँखा परिक्षणको कार्यक्रम समेत गरेको छ ।


क्याटेगोरी : अर्थ, देश/दुनियाँ, प्रमुख समाचार, राजनीति, समाचार
ट्याग : #जेष्ठ नागरिक शेयर, #टेवा बहुउद्देश्यीय सहकारी, #टेवाचोक, #सदस्यहरुलाई सम्मान

तपाईको कमेन्ट लेख्नुहोस्