एसपीपीको पत्रमा टिपेक्स लगाएर मेरो बद्नाम गरियोः केपी ओली

खोज पत्रिका मङ्लबार, २०७९ असार १४, २१ :५२ बजे

काठमाडौं । नेकपा एमालेका अध्यक्ष केपी शर्मा ओलीले अमेरिकी दूतावासलाई नेपाली सेनाका तत्कालीन प्रधानसेनापति राजेन्द्र क्षेत्रीले स्टेट पार्टनरसीप प्रोग्राम एसपीपीमा सभागी हुन लेखेको पत्रमा मिति संशोधन गरिएको आरोप लगाएका छन् ।

मदन भण्डारी जयन्तीको अवसरमा मंगलबार राजधानीमा आयोजित कार्यक्रममा पत्र आफू प्रधानमन्त्री हुँदा नभई त्यस अघि नै पठाइसकेको हुनसक्ने दाबी गरे । पत्रमा २७ अक्टोबर २०१५ को मिति भनिएपनि टिपेक्स लगाएको आरोप लगाए । केपी शर्मा ओलीको पालामा एसपीपी ल्याएको थियो भनेर अन्तर्राष्ट्रियस्तरमा पनि ढाँटिरहेका छन् ।

म सरकारलाई वरिजिनल पत्र देखाऊ भन्छु ओलीको भने ।’ ओलीले हातले नलेखेको पत्र देखाउन चुनौती दिए । आफ्नै पालामा पत्र लेखिएको थियो भने पनि आफूसँग कुनै सरसल्लाह र जानकारी विना लेखिएको दाबी गर्दै त्यो पत्र नै गलत रहेको बताए । राष्ट्रियताको सवाललाई झुक्याउने चीज बनाएको भन्दै प्रचण्डको आलोचना गरे ।

एमसीसीको विरोधमा कार्यकर्ता उचालेर पछि सम्झौता गरेको आरोप लगाए । एसपीपीको पछिल्लो ड्राफ्ट निकै खतरनाक रहेको ओलीको भनाई थियो । जनताको दबाबपछि एसपीपीबाट सरकार पछि हटेको ओलीले बताएका थिए ।

क्याटेगोरी : देश/दुनियाँ, प्रमुख समाचार, राजनीति, समाचार
ट्याग : #केपी शर्मा ओली