विमलाको ताण्डवबारे छानबिन गर्न बन्यो समिति,राज्यमन्त्री विमला भने अस्पताल भर्ना

खोज पत्रिका बुधबार, २०७९ असार १, १६ :१६ बजे

काठमाडौं । लुम्बिनी प्रदेश सरकारको मन्त्रिपरिषद् बैठकले स्वास्थ्य, जनसंख्या परिवार कल्याण राज्यमन्त्री विमला कुमारी वली घटनाबारे सत्य तथ्य बुझ्नका कार्यदल बनाएको छ । आन्तरिक मामिला तथा सञ्चारमन्त्री तिलकराम शर्माको संयोजकत्वमा ३ सदस्यीय कार्यदल बनाएको हो ।

जाँचबुझ समितिको सदस्यमा महिला, बालबालिका तथा कानून मन्त्री रमा घर्तीमगर, मुख्य न्यायाधिवक्ता श्रीकृष्ण सुवेदी रहेको समिति बनाएको हो । मंगलबार विहान दाङको तुलसीपुरमा एकराज बस्नेतको घरमा पुगेकी मन्त्री विमलाले तोडफोड गर्नुका साथै उनको श्रीमती र छोरीलाई कुटपिट गरेकी थिइन् ।

एकराजकी पत्नी मिना भण्डारीले वलीविरुद्ध अभद्र व्यवहारको आरोपमा उजुरी दिएकी छन् । मुख्यमन्त्री कुलबहादुर केसीको दवावमा बिमलालाई राति नै बुटवल ल्याइएको थियो । राज्यमन्त्री वलीलाई भने अस्पताल भर्ना गरिएको छ । अस्वस्थ भएपछि उनलाई अस्पताल भर्ना गरिएको हो ।

दाङको तुल्सीपुरमा स्थानीय एकराज बस्नेतको घरमा पुगेर लफडा गरेपछि विवादमा तानिएकी मन्त्री खत्रीलाई बुटवल ल्याएर लुम्बिनी प्रादेशिक अस्पतालमा भर्ना गरिएको हो ।