Techie IT
  • १९ असार २०७९, आईतबार
KhojPatrika

मतदातालाई धन्यवाद दिन गाउँ पुगे नेतासँगै रुकुम मुसिकोटका मेयर महेन्द्र केसी


काठमाडौं । रुकुम पश्चिमको मुसिकोट नगरपालिकाका नव निर्वाचित प्रमुख महेन्द्र केसीले मतदाता भेटघाट कार्यक्रम सुरु गरेका छन् । नगर प्रमुख केसीले शनिबार वडा नम्वर १३ र १४ का मतदाताहरुलाई भेटघाट गरी धन्यवाद दिएका छन् ।शुक्रबार शपथ ग्रहण गरेपछि शनिबारबाट मतदातालाई भेटघाटको कार्यक्रम तय गरेको नगरप्रमुख केसीले बताए ।

वडा नम्वर १३ र १४ का मतदाताहरुसँगको भेटमा नगरप्रमुख केसीले निर्वाचित भैसकेपछि आफु पार्टीको नभएर नगरवासीको प्रमुख भएकोले सबैलाई समान दृष्टिकोणले हेर्ने बताए । उनले अब नगरको विकासमा यो र त्यो पार्टी नभनेर गुणस्तरिय विकासका लागि काम गर्ने प्रतिबद्धता जनाए ।

पाँच बर्षमा जनताको मतदानलाई नबिर्सेर समृद्ध नगर बनाउन लागि पर्नेमा उनको जोड छ । सबै जनताले आफूलाई विश्वास गरेर आवश्यकता अनुसारका माग वडा कार्यालय मार्फत पठाउन र नगरपालिकालाई सल्लाह दिन केसीले आग्रह गरे । नेकपा माओवादी केन्द्रलाई १३ मतले हराउदै कांग्रेसबाट उमेद्वार बनेका केसी शुक्रबार विजयी भएका थिए ।


क्याटेगोरी : जीवनशैली, प्रमुख समाचार, राजनीति, समाचार
ट्याग : #मुसिकोट नगरपालिका

तपाईको कमेन्ट लेख्नुहोस्