एमसीसीलाई विहिबार छलफलमा लगिने, यस्तो छ संसदको कार्यसूची

खोज पत्रिका बुधबार, २०७८ फाल्गुन ११, १६ :३८ बजे

काठमाडौं । प्रतिनिधिसभामा पेस भएको अमेरिकी सहायता परियोजना एमसीसीलाई बिहिबारबाट छलफलमा लगिने भएको छ । भोलिको सदनमा एमसीसी सामान्य छलफलका लागि पेस हुने संघीय संसद सचिवालयले तयार पारेको कार्यसूचीमा उल्लेख छ । सो प्रस्ताव अर्थमन्त्री जनार्दन शर्माले पेस गर्ने छन् ।

फागुन ८ गते एमसीसी सदनमा टेबल भएको थियो । अर्थमन्त्रीले टेबल गर्ने कार्यसूचीमा राखिएको भए पनि त्यतिबेला उनी अनुपस्थित भएका थिए । यसैबीच सभामुख अग्निप्रसाद सापकोटाले विहीबार कार्यव्यवस्था तथा परामर्श समितिको बैठक बोलाएका छन् ।

एमसीसीलाई कसरी अगाडि बढाउने भन्नेबारे उक्त बैठकमा पनि छलफल हुनेछ । एमसीसीमा सहमति जुटाउन प्रधानमन्त्री शेरबहादुर देउवाले सत्तारुढ तथा विपक्ष दलहरुसँग निरन्तर छलफल गरिरहेका छन् ।